Jăt Mpồl Atbồ ală rơndăp broă bơcri priă lơh càr Gia Lai, kờp jơh khà broă lơh gùt rơndăp broă mìng rơ̆p geh di pơgăp 42% khà lơh mờ rơlao 1 rơbô 226 tơmàn đong. Pal kah ngan, geh tus 6 tàm 7 hìu bơsram lơyài bơh 10 tus 15 ngai, geh bơta do mìng là tài ờ tơl uă ngan cau git lơh broă.

Tềng đăp mờ bơta kal ke pal lơh gơs broă lơh hìu bơsram do nàng di tŭ drơng ai nam bơsram pa in, cau tờm bơcri priă lơh neh sùm sồr ală cau lơh pal lơh ngan, mờ tàm hơ̆ dan Anih duh broă Làng bol càr dong kờl ai mpồl ling, kwang àng, cau ling sền gàr tiah nhàr lơgar tus bal nàng dong kờl lơh hìu bơsram. Rơndăp broă lơh do kờp jơh priă bơcri rơlao 1 rơbô 516 tơmàn đong, ờ mìng drơng broă kờñ bơsram sră ai kơnòm bơsram tàm tiah nhàr lơgar in mờ gam cèng geh bơta kwơ màng bè rài kis broă lơh broă sa mpồl bơtiàn in, tơnguh uă bơta ngăc ngar mờ ai geh bơta pràn bơtàu tơnguh kơl jăp tàm tiah nhàr lơgar càr Gia Lai in.