Mpồl Lơh kơnòl broă sùm Tỉñ ủy càr Gia Lai neh ring bal broă lam lơh dồ ròt gùng dà, broă lơh is ồn jat Jơnau lơh nền sồ 72 bơh Ƀộ Cíñ trị dê nàng kờñ sơlơ sền gàr, gròi sền mờ tơnguh pràn kơldang làng bol dê. Tàm hơ̆, pal sền gròi ngan là broă rơndap lơh bơcri priă mờr 300 tơmàn đong ai lơh sơnơm ƀòn lơgar tàm tiah nhàr lơgar, tiah uă kal ke bơh càr Gia Lai dê in. Càr Gia Lai kờp dŭ ai lài bơcri priă lơh pa, lơh niam wơl mờ blơi phan bơna, măi mok ai 24 hìu sơnơm sàh gơ wèt tiah nhàr lơgar, tiah kal ke in.

Ală bơnah broă geh rề ơnàng hìu mờng ngui, lơh pa tiah kham cùp, xét nghiệm, siêu âm, sơm jal mhar bơh chờm, anih lơh niam dà tuh tơlik gah lơh sơnơm mờ ală broă dong kờl ndai. Kờp jơh priă tă lơh kờp dŭ lài ai broă lơh do in mờr 288 tơmàn đong, tàm hơ̆ 216 tơmàn đong lời ai lơh niam, rề ơnàng phan bơna mờ mờr 72 tơmàn đong nàng blơi phan bơna, măi mok lơh sơnơm bè măi siêu âm, măi xét nghiệm, măi mok sơm jal mhar mờ gròi sền bơta sồt mồr. Bal mờ bơcri priă lơh phan bơna, càr Gia Lai kung sồr lam lơh gùng dà broă lơh kham sơm kòp jat tơngai pơrgon ờ sa priă ai làng bol tàm 12 sàh tiah nhàr lơgar, bồt bơlàu mờ tiah uă kal ke in.