Tơnơ̆ 10 nam lơh jat Jơnau sồr sồ 5 bơh Ƀộ Cíñ trị dê, ală kâp mpồl cau ling yau neh lam lơh uă srơh, uă broă lơh geh cồng nha bè “Cau ling yau dong kờl gơp bơtàu tơnguh lơh sa”, “5+1”, “2 tơn jơh, 3 dong”, suơn - tơnau dà - wàng, sươn- tơnau- wàng- brê , hìu bơnhă ròng phan, wàng dờng ròng phan… Bơh hơ̆ dong kờl uă cau tàm mpồl jơh rƀah, gàr kơ̆ rài kis.

Bơh nam 2016 tus tŭ do, ală kâp mpồl neh lơh 23 rbô nơm hìu nùs nhơm, dong kờl tơn jơh rlau 43 rbô nơm hìu ing ai cau tàm mpồl geh rài kis kal ke in; cau tàm mpồl gam ai is git nđờ tơlak thơk vuông ù nàng lơh gùng ƀòn lơgar pa. Di dơ̆ do, uă mpồl cau, cau nă să is geh jàu pà sră jờng rơ tài cồng nha jak ngan tàm bơsram mờ lơh jat Wa Hồ.