Củ tịc Quôk hội ồng Trần Thanh Mẫn đơng lam pơrjum. Pơrjum ai jơnau đơs bè jơnau lơh nền yal Ƀộ Cíñ trị, Mpồl đơng lam Đảng sền swì bơ tơl dùl Phó Ƀí thư Anih duh broă đơng lam Đảng Quôk hội tơngai lơh broă bơh nam 2025 tus nam 2030 mờ mut tàm Duh broă sùm Anih duh broă đơng lam Đảng Quôk hội. 

Sền swì pồ tơl kâp ủy gơwèt Anih duh broă đơng lam Đảng Quôk hội geh: Anih duh broă đơng lam Đảng ală anih lơh broă tă pơgồp jơnau đơs dong broă bơh Anih duh broă đơng lam Đảng Quôk hội dê; Anih duh broă đơng lam Đảng Cơldŭ lơh broă Quôk hội; Anih duh broă sền swì; Anih duh broă Bơta kơp kờñ làng bol mờ jat sền; sền swì broă pồ tơl đơng lam kâp dờng gơ wèt ală Anih duh broă bơh Quôk hội dê, đơng lam ală anih lơh broă tă pơgồp jơnau đơs dong broă bơh Anih duh broă đơng lam Đảng Quôk hội dê, ntrờn Ƀí thư, Phó Ƀí thư Đoàn Ơruh pơnu Quôk hội.