Củ tịc Quôk hội ồng Trần Thanh Mẫn lơh broă mờ Anih duh broă Niam chài mờ Mpồl bơtiàn
Thứ ba, 08:22, 19/05/2026
Cau mblàng: K'Duẩn/ VOV
Cau mblàng: K'Duẩn/ VOV
2. VOV.K’Ho- Lơh broă mờ Anih duh broă Niam chài mờ Mpồl bơtiàn drim ngai 18/5, Củ tịc Quôk hội ồng Trần Thanh Mẫn sồr Anih duh broă pơn jat tai pồ tơl mpồl lơh broă, rơndap tap sèng mpồl lơh broă sră pơ àr gơnoar atbồ tơrmù dipal, jàu kơnòl dipal, ngui uă ngan rlau jơh pràn jak bơh tơl nă kwang bàng dê.
Đơs pơn dut dơ̆ lơh broă, Củ tịc Quôk hội đơs sùm ală gah bơto bơsram, lơh sơnơm, niam chài, mpồl bơtiàn bơh Anih duh broă drơng kơnòl geh gơtha kuơmàng ngan, geh Đảng mờ Dà lơgar sền gròi uă ngan.
Củ tịc Quôk hội pà git, jơnau sồr lơh sir kơrnuat boh lam gam ai tơlik jal mhar ngan nàng kờñ lam lơh ngan ngồn jơnau kờñ bơtàu tơnguh dà lơgar, tàm hơ̆ uă gah gơ wèt kơnòl drơng bơh Anih duh broă dê kờñ pal jal mhar sền nền wơl, bơ tơl mờ lơh sir. Củ tịc Quôk hội sồr tàm tơngai tus, Anih duh broă tơrgùm kơlôi sơnơng, bơsram ală sră nggal Pơrjum dờng dơ̆ XIV bơh Đảng mờ Pơrjum dờng Đảng ƀộ Anih duh broă Niam chài mờ Mpồl bơtiàn dơ̆ dùl, tơngai lơh broă bơh nam 2025 tus nam 2030 pơgồp bơnah tơnguh cồng nha lơh broă bơh Quôk hội dê.
Viết bình luận