Củ tịc Quôk hội ồng Trần Thanh Mẫn đơs sùm, do là dơ̆ lơh broă kwơ màng ngan, tài bơh Anih duh broă Adat boh lam mờ Sền gàr Adat boh lam là anih lơh broă geh tiah lơh broă mờ gơnoar broă is ồn tàm broă lơh bơh Quôk hội dê, ngan là tàm tơngai Đảng he dê sền gĭt lơh sir kơrnoat boh lam, adat boh lam là dùl tàm ală tam gơl pràn kwơ màng, là “tam gơl pràn bơh tam gơl pràn dê”, broă lơh sir kơrnoat boh lam pờ gùng ai bơta bơtàu tơnguh.

Củ tịc Quôk hội sồr Duh broă sùm Anih duh broă  tơrgùm cribơyai tàm 5 mpồl broă dờng, hơ̆ là lơh loh broă lơh bơyai lơh mờ lơh broă tơnơ̆ tŭ tơmŭt bal; broă lam lơh ală kơnòl broă dờng geh Anih duh broă đơng lam Đảng Quôk hội, Anih duh broă Lơh kơnòl broă sùm Quôk hội, Đơng lam bồ Quôk hội dê jàu, ngan là lơh adat boh lam, rcang lài kơryan sa kuề sa kuà, pơhì pơhà mờ bơta ờ niam; kờp sền jơh ală sră nggal geh gơrềng; jat sền lơh broă broă lơh gơnoar atbồ 2 kấp.