Đơs tàm dơ̆ lơh broă, Củ tịc Quôk hội sồr lơh loh ală broă, bè: broă lơh tam gơl bơh “sền sơwì jat sră nggal” tus “sền sơwì gùng dà broă lơh”, rcang tus bal gờñ tàm broă lơh lơh broă. Củ tịc Quôk hội đơs sùm, Quôk hội neh ring bal mờ Cíñ phủ broă ai lơh jat adat pal jat bal jơnau lơh nền bơh Cíñ phủ dê, Thông tư bơto pơlam geh cồng nha.

Bè jat sền broă bơyai lơh lơh jat adat boh lam, jat Củ tịc Quôk hội, pal lơh loh mờ đơs tờm jat sền kơnòl broă do tàm ală gah anih priă jền, cứng khoán, sră kham sơm kòp, bơcri priă dà lơgar, kes priă, ală rơndăp broă lơh tờm mờ lơh sa làng bol dê lơh is. Bè jơnau kờñ gơguh tai uă mờ broă lơh gơguh tai pa, Anih duh broă Lơh sa mờ Priă jền pal tă pơgồp jơnau đơs mờ Quôk hội tàm broă gròi sền kơ̆ kơl jăp dờng, lơh jat niam broă tă ngui priă jền- kes priă, lơngăp lơngai priă dồs dà lơgar, mơkung lơh geh ù tiah broă lơh ai gơguh tai in, tam gơl pa bơceh lơh mờ bơtàu tơnguh mpồl lơh sa pa.