Tàm anih đùh sră sơnah ƀòn Hải An, ƀòn dờng Hải Phòng, Củ tịc Quôk hội ồng Trần Thanh Mẫn tơngkah, ală anih tĕ khà pal gĭt loh ală broă rơndăp tăp sèng, nàng lơh jăt gơ in rơgeh, gơ in di, bañ lời gơlik tìs hŭi; is ồn ờ gŏ di ờ rơcăng, lời hŭi khăt dùl broă lơi tàm jơnau sồr; mơkung ai tơl bơta uă ngan rlau jơh ai ală cau tĕ khà in lòt đùh sră gờñ, đùh sră tơn. Củ tịc Quôk hội ồng Trần Thanh Mẫn đơs là, do là tơngai tĕ khà bơh sơnrờp đòm jăt làm uă broă tam gơl sồ bơh Dà lơgar tus kâp hơđơm tàm broă cih măt cau tĕ khà mờ sră nggal tơlik măt tĕ khà. Den tàng bè hơ̆ kung gam sơl ală kal ke ngan ngồn, tài bè hơ̆ ală anih lơh broă geh gơnoar pal pơgồp bal lơh jăt niam.

Củ tịc Quôk hội tơngkah, ƀòn dờng Hải Phòng pal rơcăng lài bơsong sră pơyua di tŭ, di jơnau sồr, di gơnăp gơnoar, di tơngai pơrgon: lòt sền dơ̆ lơh uă lài mờ tĕ khà di broă rơndăp lơh bơh ngai 02/3/2026 tus ngai 14/03/2026; broă mblàng yal pal geh lơh wil tơl tus jơh gùt làng bol.