Đơs sồr lơh, Củ tịc Quôk hội ồng Trần Thanh Mẫn đơs sùm, broă lơh rơcang tus tŭ do sền bal neh di tŭ tơngai hơ pơrgon, di jơnau cih adat boh lam dê, lam lơh ndrờm bal, nền nòn. Uă càr, ƀòn dờng lam lơh bơnĕ bơnài, yal di tŭ bè Thái Nguyên, Bắc Ninh, Hà Nội, Hải Phòng, Lạng Sơn, Đà Nẵng, Lâm Đồng, Đăk Lăk, An Giang. Củ tịc Quôk hội tơngkah Ƀộ Broă dơlam is dà lơgar sơlo sền sơ wì, jat sền broă lip sră pồ, sră nggal yal jơnau tơnggit cau tơlik mat tĕ khà dê mờ tơngume lơh broă bơh ală cau tơlik mat tĕ khà dê, ờ lời gơlik geh bơta tìs lơi; lơh pràn ngui măi mok yal tơnggit jơnau, li la broă lơh tìp mat cau tĕ khà, ai lài pờ tơlik tơn tàm internet nàng rề ơnàng bă tiah tus bal. Tơngai tus, jơnau sồr ai tơlik là ờ gŏ di sền ờ sơp, lam lơh niam ală pơrjum tìp mat cau tĕ khà, gàr bơta làng bol lơh tờm, ring bal, di adat boh lam.