Jat broă rơndap lơh bơh Anih duh broă Làng bol càr dê, ală broă tờm geh lơh mờ măi mok lơh gơlik phan, crăp mòn phan ngui măi mok pa; năng lượng sàng goh; điện tử, viễn thông; bồ tơngoh jak kòn bơnus lơh gơs mờ anih tờm yal tơnggit jơnau. Jơnau kờñ là tus nam 2030, priă lơh geh bơh lơh sa mờ măi mok gơguh kờp bal bơh 15 tus 20% pah nam; lơh mờ măi mok lơh gơlik phan, crăp mòn geh bơh 20 tus 25% GRDP. Càr ai tơlik gùng dà broă lơh ai lài ală gah broă geh khà măi mok mờ priă lơh geh gơguh uă bè ƀán zẫn, robot, phan bơna lơh sơnơm, phan bơna pa, kơ khí di ngan, măi mok siñ họk mờ măi mok dong kờl; mờ kung bơtàu tơnguh năng lượng tơlir. Phan bơna tiah lơh sa mờ măi mok geh bơtàu tơnguh jat gùng dà mờng chài, tàm hơ̆ Tiah lơh sa Vân Phong geh git nền là tiah gơn kơnờm.