Củ tịc Quôk hội ồng Trần Thanh Mẫn tus bal sơnđờm mut lơh tiah lơh gùng dờng Dà lơgar 1A tàm Hà Nội
Thứ tư, 06:00, 20/05/2026
Cau mblàng K’Hạnh/VOV Tây Nguyên
Cau mblàng K’Hạnh/VOV Tây Nguyên
VOV.K’Ho- Ngai òr (19/05), Củ tịc Quôk hội ồng Trần Thanh Mẫn tus bal dơ̆ sơnđờm mut lơh Rơndăp broă lơh ù tiah lơh gùng dờng Dà lơgar 1A pơgồp bal mờ bơka niam wơl, bơt bơtàu wơl tiah drà gơl bơh Gùng pleh 1 tus gùng tàm tìp Cầu Giẽ, Hà Nội.
Rơndăp broă lơh jòng rlau 36 kơi sồ, lòt gan 18 sơnah ƀòn, sàh bơh Hà Nội dê, mờ kờp jơh priă bơcri lơh mờr 162 rơbô tơmàn đong. Gơl gùng ơnàng 90 thơk, geh 16 bơnàng rơndeh lòt.
Jat broă rơndăp lơh, broă lơh bơt bơtàu rơ̆p lơh sir tàm nam 2027, pơgồp bơnah lơh sir ală gùng lòt rê càr lơgar dê jat rơndăp ù tiah jŏ tơngai. Rơndăp broă lơh tơngŏ nùs nhơm lơh ngan tă bơsong bơta gơ kòl phan bơna bơt bơtàu, lơh geh bơta gơn kơnờm bơtàu tơnguh tiah đah Jum Hà Nội dê, pờ ơnàng ù tiah tiah drà mờ sơlơ tơnguh tai ală gah drơng broă, kă bro phan, logistics.
Viết bình luận