Ală ngai pa do, mpồl bơtiàn tàm càr Dăk Lăk nrơ̆t tềng đăp dồ ròt dơ̆ lơh pờng tàm hìu bơsram gơlik geh bal đah kơnòm bơsram dê. Tàm clip lơh pờng bal, lơh bàssìl bơyô bơsram bal gơtìp pơnđàng uă tàm internet ờ mìng lơh gơguh bơta ờ sŭk ơm mpồl bơtiàn dê lơm mờ gam lơh geh jơnau tơngkah lài bè bơta kal ke tàm broă tơm bơh bơr tàm tiah hìu bơsram dê, pà gŏ bơta pơgồp bal đah hìu bơnhă mờ hìu bơsram ờ hềt niam.

Ồng Lưu Tiến Quang, Phó Kwang Lam bồ Sờh Bơto bơtê mờ Bơsram càr Dăk Lăk pà gĭt, gah neh lam lơh uă broă lơh nàng kờñ sơlơ tơnguh tai rcang lài kơryan, kơryan bơh gờñ mờ bơh ngài. Ală sră nggal sồr lơh, ală broă lơh rcang lài lơh pờng tàm hìu bơsram sùm geh đơs sùm tàm jơh nam bơsram dê. Kơryan lơh pờng tàm hìu bơsram kờñ pal sơnđờm bơh tờm: bơt bơtàu dùl tiah bơsram lơngăp lơngai, niam chài kòn bơnus mờ kơnòm bơsram geh iăt kơno, geh tam pà bal, geh dong kờl nùs nhơm di tŭ.