Tơnơ̆ dùl nam lơh broă, jơh 102 sàh, sơnah ƀòn tàm càr Dăk Lăk neh tơng gơs Anih tờm drơng broă sră pơ àr gơnoar atbồ dà lơgar mờ Anih tờm lơh broă drơng ala broă dà lơgar. Broă lơh tam pà kâp, jàu gơnoar geh lơh pràn jat gùng dà tơnguh bơta rơcang lài ai kâp ƀòn lơgar in, pơgồp bơnah tơrmù lơyah broă rơndap lơh bơsong broă mờ tơnguh cồng nha drơng broă làng bol in.

Càr Dăk Lăk bơyai lơh bơto bơtê rlau 15 rbô dơ̆ kwang bàng kâp hơ đơm nàng drơng jơnau kờñ kơnòl broă tàm broă lơh pa. Broă lơh tam gơl wơl sră pơ àr gơnoar atbồ, tam gơl sồ pơn jat tai geh bơta tam gơl niam; broă lơh bơh ală anih tờm drơng broă sră pơ àr gơnoar atbồ sền bal geh lơh niam. Ồng Lương Nguyễn Minh Triết - Bí thư Tỉnh ủy càr Dăk Lăk sồr ală kâp, gah broă lơh pơn jat tai sền nền wơl, lơh sir mpồl lơh broă sră pơ àr gơnoar atbồ; mhar pồ tơl mpồl kwang bàng kâp ƀòn lơgar; lơh pràn tam pà kâp, jàu gơnoar gơ jat bal mờ sền swì, jat sền mờ kơnòl mblàng lơh loh; tơrgùm priă jền ai tam gơl sồ in.