Tus bal ơdŭ bơto pơlam geh mờr 60 nă viên chức, cau cih ƀău, cau cih jơnau đơs, cau drơng măi bơh Anih jơnau đơs Việt Nam mờ ală anih sră ƀău gam lơh broă tàm càr Dăk Lăk, tiah Tây Nguyên.

Ală cau bơsram geh pơlam uă tơngume jrô ơnàng mìng dùl tơngume bè: bồ tơngoh kơlôi sơnơng lơh podcast mờ đal git rùp să cau iat podcast; bơt bơtàu jơnau rơcang lơh mờ rơndap tap sèng dùl pang podcast; bơta chài cih bơh chờm, intro, outro; gơnoar broă mờ bơta chài bơh cau tề lam dê; ngui gùng đơs crih, sap ntas mờ sap ù tiah ngan ngồn tàm podcast; rơ wah format dipal ai tơl jơnau podcast in. Kờp tus tŭ do, ờdŭ bơto pơlam tàm tiah Tây Nguyên là ơdŭ dơ̆ 5 geh bơyai lơh. Bơh hơ̆ geh mờr 300 nă cau cih ƀău, cau cih jơnau đơs, cau drơng măi, cau chài măi mok tus bal ơdŭ bơto bơtê, pơlam mờng chài lơh podcast tơnguh uă bơta niam.