Gùt gơl gùng rơndeh lòt mhar Chí Thạnh - Vân Phong lòt gan càr Dăk Lăk geh ai lòt rê
Thứ hai, 13:19, 18/05/2026
Cau mblàng: K’Duẩn/VOV Tây Nguyên
Cau mblàng: K’Duẩn/VOV Tây Nguyên
VOV.K’Ho- Bơh ngai do (18/5), jơh gùt gơl gùng rơndeh lòt mhar Chí Thạnh - Vân Phong lòt gan càr Dăk Lăk ngan ngồn geh ai lòt rê, pơgồp bơnah lơh sir gùng lòt tơrbŏ bal tiah Tây Nguyên mờ tiah kềng gah dà lềng đah jum tàm gùl lơgar.
Gơl gùng rơndeh lòt mhar jòng 48 kơi sồ, tàm hơ̆ 24 kơi sồ bơh chờm, gơl bơh lồi càr Gia Lai lòt Dăk Lăk neh geh ai ngui bơh ngai 30/4.
Tus tŭ do, 24 kơi sồ gam wơl kung neh lơh gơs, dong rơndeh rơndồ lòt rê jơh gùt gơl gùng. Jat Mpồl atbồ rơndap broă lơh sồ 7, Ƀộ Bơt bơtàu, tŭ do rơndap broă lơh ờ hềt lam lơh sa priă tài gam pơn jat tai lam lơh, crăp 5 anih ai priă tàm ală gơl gùng lik mờ mut. Tơnơ̆ tŭ lơh gơs, gơl gùng do rơp ngui broă lơh ai priă điện tử ờ ơm wơl ETC. Tàm tơngai ai ngui, ală cau tờm lơh rơndap broă kung gam pơn jat tai lơh sir ală bơnah broă gam wơl bè gùng lòt ngac ngar, anih ai priă mờ lam lơh broă lơh sền swì, hơ pơrgon lơh niam wơl broă lơh jat jơnau sồr.
Viết bình luận