Ala măt kwang đơng lam Đảng, Dà lơgar, Mặt trận Dà lơgar Việt Nam, Lam bồ Mpồl Mblàng yal Bơto bơtê mờ Hòi jà làng bol Dà lơgar ồng Trịnh Văn Quyết nting bơr chờ gờm Pơrjum dờng Phật đản lơngăp lơngai, pràn kơl dang, gơboh gơbài tus mờ ală cau kơ đơng yàng mờ cau jăt yàng phờk gùt lơgar.

Lam bồ Mpồl Mblàng yal Bơto bơtê mờ Hòi jà làng bol Dà lơgar pin dờn, mờ nùs nhơm niam, ngăc ngar, ring lơngai mờ gơboh kờñ dà lơgar, Mpồl jăt yàng Phờk Việt Nam rơ̆p pơn jăt tai bal mờ jơi bơtiàn; lam sồr cau kơ đơng yàng, cau jăt yàng tus bal ală broă lơh pơrlòng kờñ gơboh dà lơgar, pơgồp bal di pal tàm broă bơtàu tơnguh dà lơgar. Di tàm dơ̆ do, Lam bồ Mpồl Mblàng yal Bơto bơtê mờ Hòi jà làng bol Dà lơgar ồng Trịnh Văn Quyết nting bơr chờ gờm Mpồl jăt yàng Phờk Việt Nam bơyai lơh geh cồng nha Pơrjum dờng cau ala măt gah jăt yàng phờk gùt lơgar dơ̆ X. Mờ dờp ală broă lơh pơgồp bal dờng màng bơh cau kơ đơng yàng, cau jăt yàng phờk dê gơwèt mờ broă bơtàu tơnguh dà lơgar, tơnguh nùs nhơm tam klăc gùt jơi bơtiàn.