Kơnòl broă rơndap ù tiah bal sàh Đức Trọng geh tam pà gơs 2 tŭ tơngai tus nam 2030 mờ jŏ tơngai tus nam 2050. Jơnau kờñ jŏ tơngai là bơcri priă bơt bơtàu sàh Đức Trọng gơ gơs là tiah tờm ngan mpồng tờm ală lơgar; tàm tơrbŏ bal ndrờm bal phan bơna gùng lòt ală tiah mờ ală gùng rơndeh lòt mhar mờ tàm tơrbŏ bal mờ Ƀlàng rơndeh par ală lơgar Liang Khàng; bơt bơtàu, bơtàu tơnguh Tiah tờm sră pơ àr gơnoar atbồ - cíñ trị càr Lâm Đồng, lơh gơlik bơta gơn kơnờm pa ai broă bơtàu tơnguh bal bơh tiah drà Đức Trọng mờ tiah rềp bal dê…

Anih duh broă Làng bol càr Lâm Đồng jàu ală sờh, mpồl, gah broă lơh, mpồl geh gơ rềng mờ Anih duh broă Làng bol sàh Đức Trọng pơgồp bal nàng drơng broă lơh bơt bơtàu, sền swì mờ kĭ ring bal sră wac rơndap ù tiah; gàr niam sră nggal rơndap ù tiah geh lơh ndrờm bal, ring bal, gơtùi ngui ngan ngồn mờ di mờ gùng dà bơtàu tơnguh bơh càr dê. Tơngai kờp dŭ lơh gơs bơt bơtàu rơndap ù tiah tàm quý 2 nam 2026, ngui kes priă sàh dê.