Mut tàm nam 2026, tàm càr Lâm Đồng neh gơlik geh bàr pe bơta trồ tiah lơh aniai bè càl pràn, nsừc dà lềng dờng tàm dà lềng, mìu gơ jat bal càl rơbŭt lơh tơrlah mờr 380 thơk kềng gah dà lềng, lơh gơplồ rơkàng hìu 17 nơm hìu, 8 lồ phan tam ờ diơng mờ kờp jơh hoàc huơr 1 tơmàn 900 tơlak đong.

Nàng rcang lài pleh, drơng tơrmù ƀà hoàc huơr tài bơh trồ tiah lơh aniai tàm kàl mìu dà tih dà lìu nam do, Anih duh broă Làng bol càr Lâm Đồng lam lơh 17 kơnòl broă tờm. Tàm hơ̆ geh broă jat sền, kờp dŭ lài- tơngkah lài gờñ ală bơta trồ tiah ờ niam; rcang lài bè phan bơna măi mok drơng mờ trồ tiah lơh aniai; gàr niam lơngăp lơngai tơnau dơng dà rơbòng dà, hìu măi pờ đèng dà; jơh nùs lơh ngan bơyai lơh trờn di tŭ làng bol lik bơh tiah sơbơng roh tềng đăp trồ tiah lơh aniai.