Tŭ do, tàm ù tiah Ling tiah 5 gam lam lơh 22 hìu bơsram ơm sa bic tơn bàr kâp. Ală hìu bơsram geh bơcri lơh mờ broă lam lơh ndrờm bal, pa ngan, geh uă bơnah broă bè hìu lơh broă sră pơ àr, hìu sền sră, cơldŭ bơsram kapa 1 mờ kâp 2, cơldŭ bơsram môn bơsram, hìu geh uă bơta kuơ, tơnau re dà, hìu ƀềp, hìu sa, tiah bic mờ ală broă lơh tàp pràn să jan. Nàng gàr ală hìu bơsram di tŭ rơ wah kơnòm bơsram tàm nam bơsram 2026 - 2027, ală tiah neh dan Ling tiah 5 dong kờl mpồl lơh broă, măi mok, phan bơna tus bal lơh mhar tơngai hơ pơrgon lam lơh, pơgồp bơnah gờñ ai broă lơh ngui ngan ngồn, drơng jơnau kờñ bơsram bơh kơnòm bơsram tiah nhàr lơgar, tiah uă kal ke dê.