Mpồl lơh broă dờp cau ling sền gàr tiah nhàr lơgar càr Dăk Lăk neh lơh nền nòn ală kơnòl broă tam dră mờ lơh phan tàm dà ờ di mờ adăt boh lam IUU; rơcang lài pơgồp bal mờ sàh sơnah ƀòn bal mờ ală mpồl lơh broă gơrềng bal lòt sền ơhò lơh ka, tơnguh broă lòt sền tàm dà lềng pơgồp bal mờ sền gàr gơnoar tờm ù tiah, sền gàr lơngăp lơngai.

Broă mblàng yal geh lơh pràn, pơgồp bal tàm broă tơnguh uă jơnau git wă bơh cau tờm ơhò, cau lam bồ ơhò mờ cau lơh ka dê bè bơta ờ niam bơh broă lơh tìs tàm broă lơh IUU dê. Lài mờ hơ̆, mpồl lơh broă neh lòt sền tàm mùl màl ală anih sền gròi tiah nhàr lơgar, anih ơhò lơh ka ơm tàm càr Dăk Lăk. Tơngu me lòt sền tơrgùm tàm broă pơgồpồp bal atbồ ơhò lơh ka, tơrgùm jơnau yal tơngit lik mờ mŭt tàm anih ơhò ơm jăt mờ tơngai mùl màl, lơh glài tìs IUU mờ lơh ală phần mềm drơng tàm broă jăt sền, jòi sền phan tàm dà geh lơh geh.