Mpồl duh broă Làng bol càr Dăk Lăk ring bal 12 Jơnau lơh nền tàm pơrjum bè bơtàu tơngguh ƀòn lơgar
Thứ tư, 13:55, 27/05/2026
Cau mblàng: Lơ Mu K'Yến/ VOV Tây Nguyên
Cau mblàng: Lơ Mu K'Yến/ VOV Tây Nguyên
VOV.K'Ho- Mho ngai 26/5, Dơ̆ pơrjum Mìng dùl tơngume dơ̆ sơnrờp, Mpồl duh broă Làng bol càr Dăk Lăk khoă XI, tơngai lơh broă bơh nam 2026- 2031 neh lơh sir jơh ală tơngume broă lơh mờ ring bal 12 Jơnau lơh nền tàm pơrjum kwơmàng.
Ală Jơnau lơh nền tàm pơrjum tơrgùm tàm pồ tơl mpồl lơh broă, kwang bàng; tam gơl wơl Rơndăp ù tiah càr tơngai bơh nam 2021- 2030, wèt sền tus nam 2050; tam gơl ală jơnau cih gơrềng tus ù tiah, brê; tam pà priă jền bơcri dà lơgar dê; lam lơh gùng dà broă lơh càn priă, broă lơh, lơngăp lơngai rài kis mpồl bơtiàn mờ prăp gàr niam chài cing mồng.
Dơ̆ pơrjum gĭt nền nam 2026 geh kwơ is ồn ngan tŭ Dăk Lăk tam gơl pràn tus broă lơh gơnoar ătbồ ƀòn lơgar 2 kâp. Tàm bơta GRDP qúy I mìng geh 7,47%, lơyah rlau jơnau kờñ jơh gùt nam bơh 10% rlau hơđăng, Mpồl duh broă Làng bol càr sồr ală kâp, gah mhar lơh loh làng Jơnau lơh nền tàm pơrjum jăt nùs nhơm “6 loh – 1 sùm sùm”, pal loh cau, loh broă, loh kơnòl mờ cồng nha lơh jăt.
Viết bình luận