Tơnơ̆ dơ̆ wă rò, bàr nă kwang đơng lam bồ lam bồ Mpồl kwang bàng kâp dờng 2 lơgar lam lơh pơrjum bơyai nàng kờñ chồl tơnguh lơh broă bal 2 gah. 

Việt Nam mờ Campuchia tơng gơs bơta git gơp cribơyai broă mờ lơgar ndai bơh nam 1967 mờ gàr sùm ală broă lơh cribơyai mpồl, tìp mat kâp dờng. Lơh broă bal ling klàng - sền gàr lơngăp lơngai pơn jat tai là gah kuơmàng ngan, tàm hơ̆ 2 gah đơs nền ờ lời khat dùl mpồl lơi ngui kơnhoàl ù tiah lơgar he dê nàng lơh aniai tus bơta lơngăp lơngai bơh lơgar ne dê. Lơh broă bal lơh sa, kă bro phan, bơcri priă mờ lòt nhơl pơn jat tai gơguh niam. Nam 2025, priă lơh geh bơh kă bro phan đah 2 gah geh 11 tơmàn 330 tơlak dolar Mỹ; 4 nhai bồ nam 2025 geh mờr 5 tơmàn dolar Mỹ, gơguh 9,6% pơndrờm dùl tŭ bal mờ nam lài. Bàr lơgar gam pơgồp bal lam lơh jat jơnau kờñ tơnguh priă lơh geh kă bro phan gơguh tus 20 tơmàn dolar Mỹ tàm tơngai tus, mờ kung pơn jat tai lam lơh tìp mat lơh kwèng làng bol mờ lơh broă bal lòt nhơl.