Đơs pơn dŭt dơ̆ pơrjum, Tổng Bí thư, Chủ tịch lơgar đơs nền broă ai lơh jat Jơnau lơh nền tàm pơrjum sồ 36 gùng dà broă lơh di ngan, cèng gơnoar broă dờng màng, pơgồp bơnah tơnguh uă bơta gĭt wă bè tiah, gơnoar bơh dà lềng dê; lơh sir rơ hời ală kơrnoat boh lam, gùng dà broă lơh; sơlơ tơnguh tai bơtàu tơnguh ală gah lơh sa dà lềng, tơnguh tai phan bơna bơt bơtàu jat kềng gah dà lềng, tam gơl niam rài kis làng bol mờ lơh kơ̆ kơl jăp sền gàr dà lơgar, lơngăp lơngai, lơh broă mờ lơgar ndai, sền gàr gơnoar tờm bồt bơlào dà lềng.

Mơya, lơh sa dà lềng kung gam ờ hềt bơtàu tơnguh ndrờm pal mờ bơta pràn mờ jơnau sồr bơtàu tơnguh Dà lơgar dê. Tổng Bí thư, Chủ tịch lơgar sồr kơlôi sơnơng bơt bơtàu dùl Jơnau lơh nền tàm pơrjum pa bơh Dà lơgar dê bè dà lềng, lơh geh bơta tam gơl pràn bè bồ tơngoh kơlôi sơnơng, kơrnoat boh lam mờ broă lơh bơtàu tơnguh, lơh geh jơnau sồr bơtàu tơnguh tàm tơngai tus.