Đơs pơndŭt dơ̆ lơh broă, ồng Tô Lâm, Tổng Ƀí thư, Củ tịc lơgar đơs sùm 5 gùng dà dờng nàng pơn jăt tai bơtàu tơngguh gah lơh sa mờ măy mŏk phan ngui bơ̆t bơtàu tàm tơngai tus, tàm hơ̆, kờñ pal gĭt nền lơh sa mờ măy mŏk phan ngui bơ̆t bơtàu là gah lơh sa mờ măy mŏk bơnàng jă jŏ jòng tàm ală broă lơh măy mŏk lơh jơh lơm, tam gơl pa dà lơgar.

Tổng Ƀí thư, Củ tịc lơgar đơs loh, kơ̆ nùs tam gơl bơh jòi phan kwơ tàm ù tus lơh gơlik phan niam ngan, lơh tờm măy mŏk mờ tơngguh uă priă jền gơguh tai tàm lơgar; lơh ơnàng wơl ală gah phan ngui bơ̆t bơtàu ờs mờng bơh lài jăt gùng tơlir rlau, sàng goh rlau, măy mŏk pa rlau, priă jền gơguh tai dờng rlau; lơh gơlik tam gơl pràn bè jak chài – măy mŏk, ală jơnau sồr, sền swì gĭt nền mờ cau lơh broă jak ngan; bơtàu tơngguh mpồl lơh sa kă bro Việt Nam mờ lơh gơgơs ală drà tàm lơgar ai phan ngui bơ̆t bơtàu pa in, phan ngui bơ̆t bơtàu tơlir, phan ngui bơ̆t bơtàu kwơmàng bè lơh sir kơrnoăt boh lam, gùng dà pơgồp bal ală gah, sơlơ sền swì, jăt sền mờ sền gàr bơta kwơ dà lơgar tàm mŭt gơrờm bal ală lơgar.