Quôk hội neh ring bal Jơnau lơh nền tàm pơrjum tam gơl, bơtơl bàr pe bơta bơh Sơnoa boh lam nam 2013 dê, mơkung tam gơl uă tơngume kwơmàng gơrềng tus rơndăp tăp sèng mpồl lơh broă dà lơgar. Ală sră nggal dipal mờ kơrnoăt boh lam sền bal geh lơh sir di tŭ, lơh broă jăt broă lơh pa bơh sơnrờp ờ hềt gơlik geh bơta gơkòl uă.

Ồng Tô Lâm, Tổng Ƀí thư, Củ tịc lơgar đơs sùm pal pơn jăt tai lơh sir kơrnoăt boh lam jăt gùng dà ndrờm bal, jŏ jòng, bơsong jơnau geh ngan jơnau sồr gơcèng bơta bơsong jơnau digơlan gơlik geh. Mơkung pal jăt sền dipal mùl màl lơh broă tàm kâp hơđơm, ngan là kâp sàh tơnơ̆ rơndăp tăp sèng, di tŭ tă bơsong kal ke bè cau lơh broă sa priă nhai, pràn jak kwang bàng, jơnau sồr pal geh mờ gĭt nền loh gơnăp gơnoar, pleh jơnau tam pà kâp mơya ờ tơl bơta pràn mờ cau lơh broă lơh jăt.