Đơs tàm dơ̆ jàu kơnòl broă, Phó thủ tướng mò Phạm Thị Thanh Trà đơs nền, bơh ală gơnoar broă lơh broă krơi is, Thứ trưởng ồng Nguyễn Huy Dũng ndrờm tơngŏ geh bơta pràn jak đơng lam bồ, lơh broă ờs mờng, ngan là tàm gah jak chài mờ măi mok; kơ̆p kờñ, Thứ trưởng rơ̆p geh ală tă pơgồp kwơ màng tàm bơta geh cồng nha bơh Ƀộ Niam chài, Tàp pràn să jan mờ Lòt nhơl dê, pơgồp bơnah sơlơ tơnguh tai bơta bơtàu tơnguh bal bơh Dà lơgar, kung bè tàm broă lơh kwơ màng bơtàu tơnguh bơh tŭ do tus nam 2045.

Đơs guh dờp at kơnòl broă, Thứ trưởng Ƀộ Niam chài, Tàp pràn să jan mờ Lòt nhơl ồng Nguyễn Huy Dũng hơ, jơh nùs jơh tồr, ai jơh bơta pràn bal mờ Ƀộ trưởng, đơng lam bồ Ƀộ mờ jơh gah, tam gơl bal, tàm pơrdờn, bơtàu tơnguh, lơh sir jak ngan tơl kơnòl broă geh jàu.