Mho ngai 21/5, Anih duh broă Làng bol càr Quảng Ngãi bơyai lơh pơrjum sền wơl tŭ tơngai ai priă lơh ală rơndăp broă lơh bơcri priă dà lơgar tàm ù tiah đah mat tơngai mut càr dê. Tus tŭ do, jơh gùt càr ai pơgăp 927 tơmàn đong, lơh geh rlau 12% broă rơndăp lơh priă Thủ tướng Cíñ phủ dê jàu, lơyah rlau khà kờp bal gùt lơgar dê. Mìng is tiah đah mat tơngai mut càr Quảng Ngãi dê geh jàu pơgăp 2 rơbô 800 tơmàn đong priă bơcri lơh dà lơgar dê nam 2026. Tus ngai 20/5, tiah do ai rlau 514 tơmàn đong, lơh geh rlau 18% broă rơndăp lơh priă bơcri lơh geh jàu.

Đơng lam bồ Anih duh broă Làng bol càr Quảng Ngãi đơs là, tiah Tây Nguyên mờr cơnđoà mut tàm kàl mìu, dilah ờ lơh mhar tŭ tơngai mut lơh rơ̆p gơrềng dờng ngan tus mŭt lơh ală broă lơh bơt bơtàu, rơndăp broă lơh dê. Đơng lam bồ Anih duh broă Làng bol càr sồr ală cau tờm bơcri priă, ală tiah hơ tŭ tơngai ai priă bơcri jat tơl nhai, pơyoa broă rơndăp lơh geh ngan nàng tơrgùm wơl mờ jat sền. Anih duh broă Làng bol càr sồr ală tiah tơrgùm bơsong tơn jơh ală bơta gam geh bè broă mat ai ù jŏ jòng uă nam. Ală broă lơi gam gơ kòl pal pơgồp bal niam, nggui bal wơl nàng tă bơsong, ờ gŏ di lời bơta tàm tuh kơnòl lơh gơrềng tus broă lơh bal dê.