Mho ngai 11/5, Pơrjum dờng neh pơrjum dar rơcang lài, cribơyai pồ Mpồl Củ tịc mờ Mpồl gơnoar cih bơh Pơrjum dờng dê; ring bal broă lơh, jơnau pal jat lơh broă bơh pơrjum dờng dê. Tàm dar lơh broă, cau ala mat neh iat Jơnau rơcang cih jơnau yal sền tìs di broă lơh bơh Anih duh broă dà lơgar, Mpồl Củ tịc mờ Mpồl Duh broă sùm Anih duh broă Mặt trận dà lơgar Việt Nam dê, tơngai bơh nam 2024 tus nam 2026.

Jơnau yal đơs sùm, tơngai bơh nam 2024 tus nam 2026, Anih duh broă, Mpồl Củ tịc, Mpồl Duh broă sùm pơn jat tai tam gơl pa tơngume, broă lơh lơh broă, lơh gơs di tŭ, geh bơta niam, geh cồng nha ală kơnòl broă neh geh git nền tàm Jơnau lơh nền tàm pơrjum dờng mờ ală broă geh ai tơlik tàm mùl màl. Jat broă lơh, drim do ngai 12 nhai 5, Pơrjum dờng bơyai lơh dar sơn đờm mut pơrjum yŭ rơyùm ngan mờ bơta tus bal bơh ală Đơng lam, Đơng lam Đảng, Dà lơgar, Mặt trận dà lơgar Việt Nam lài do. Ƀùi mho, ală cau ala mat cribơyai mờ ring bal Ală jơnau lơh nền bè kwang bàng Anih duh broă Mặt trận dà lơgar Việt Nam khoă XI, tơngai lơh broă bơh nam 2026 tus nam 2031; cribơyai pồ Anih duh broă Mặt trận dà lơgar Việt Nam khoă XI, tơngai lơh broă bơh nam 2026 tus nam 2031; Pơrjum Anih duh broă Mặt trận dà lơgar Việt Nam dơ̆ dùl khoă XI, tơngai lơh broă bơh nam 2026 tus nam 2031.