Đơs pơn dut pơrjum, Thủ tướng ồng Lê Minh Hưng đơs loh, Pơrjum dờng dơ̆ XIV neh git nền “lơh pràn lơh broă mờ lơgar ndai mờ mut gơ rờm bal ală lơgar là kơnòl broă tờm, pal lơh sùm”. Do là bơta tam gơl bồ tơngoh kơlôi sơnơng kuơmàng ngan bơh Đảng dê, ai gŏ bơta đơs niam gơ wèt mờ gơnoar broă dờng màng ngan bơh gah lơh broă mờ lơgar ndai, cribơyai broă mờ lơgar ndai dê. 

Bè ală kơnòl broă, broă lơh tờm tàm tơngai tus, Thủ tướng đơs sùm jơnau sồr bơt bơtàu Đảng ƀộ sàng goh, pràn kơldang, kơ̆ kơljap; kuơmàng là sền dờng màng, lơh niam broă lơh bơt bơtàu Đảng, sền gàr cíñ trị tàm dơlam is, ngan là tàm ală ù tiah kuơmàng, geh broă lơh di tŭ bơh gờñ, bơh ngài tŭ geh broă lơi gơlik geh. Bal mờ hơ̆, Ƀộ Cribơyai broă mờ lơgar ndai lơh pràn tam gơl sồ pơgồp bal mờ gùng dà broă lơh sồ, jal mhar bơt bơtàu mpồl atbồ sồ, sền nền wơl, jat sền, atbồ, sồr lam lơh, lơh jat ală jơnau hơ pơrgon, jơnau ring bal ală lơgar, ngan là ală jơnau hơ pơrgon, jơnau ring bal tơnơ̆ ală dơ̆ lòt còp bơh kwang đơng lam kâp dờng dê; mờ kung tơrgùm rơcang ală broă lơh bơh Đơng lam kâp dờng dê tàm tơngai tus.