Đơs pơn dut dơ̆ lơh broă, Thủ tướng đơs là, tiah đah jum mat tơngai mut dà lơgar đơs bal mờ càr Vĩnh Long đơs is kung gam uă ngan broă pal lơh nàng lơh geh jơnau kờñ gơguh lơh sa ai tơlik. Is ồn, khà gơguh GRDP 3 nhai bồ nam 2026 bơh càr dê geh 5,3%, ờ hềt lơh geh jơnau kờñ ai tơlik. 

Thủ tướng sồr càr Vĩnh Long pal tam gơl pa bồ tơngoh kơlôi sơnơng, bơt bơtàu broă lơh gơguh lơh sa pa, ring bal nùs nhơm mờ broă lơh, tam gơl pa mờng kwèng lơh broă, lơh pràn gơ hòi gơ jà bơcri priă tàm lơh sa mờ măi mok, broă drơng ala mờ bơtàu tơnguh cau lơh broă geh bơta niam uă. Jat Thủ tướng, càr kờñ pal tam cah mùl màl broă jàu gơguh lơh sa bơh tơl gah dê bè lơh sa mờ măi mok, bơt bơtàu, kă bro phan, broă drơng ala mờ broă lơh sa suơn sre; jàu kơnòl loh làng ai tơl tiah, tơl gah, tơl mpồl lơh sa kă bro in gơ jat bal mờ priă jền lam lơh.