Drim òr (18/05), Ƀộ Jak chài mờ Măi mok bơyai lơh Dơ̆ gờm chờ Ngai Jak chài, Măi mok mờ Tam gơl pa bơceh lơh Việt Nam mờ Pơrjum lam lơh măi mok kwơ màng mờ tơngume “Jak chài, măi mok, tam gơl pa bơceh lơh mờ tam gơl sồ - Bơta gơn kơnờm tờm bơh broă lơh gơguh tai pa”.

Đơs tàm dơ̆ gờm chờ, Thủ tướng ồng Lê Minh Hưng đơs nền, Ngai Jak chài, măi mok mờ Tam gơl pa bơceh lơh Việt Nam ờ mìng là dơ̆ jờng rơ mpồl geh bồ tơngoh jak, cau jak chài lơm mờ gam pơgồp bơnah lơh kah wơl bơta pơn yờ să bè bồ tơngoh jak Việt Nam dê. Thủ tướng đơs sùm, jak chài mờ măi mok, tam gơl pa bơceh lơh là bơta gơn kơnờm tờm nàng lơh jat ngan ngồn bơta kơ̆p kờñ bơtàu tơnguh Dà lơgar; mơkung sồr Ƀộ Jak chài mờ Măi mok tơrgùm tă bơsong ală bơta gơ kòl bè broă lơh priă jền, ai lơh lài bơta pràn ai măi mok tờm, măi mok kwơ màng mờ mpồl lơh sa kă bro măi mok in.