Tàm dơ̆ wă, Thủ tướng đơs nền Đảng, Dà lơgar bal mờ làng bol lơgar Việt Nam sùm sền kwơ, kơ̆p kờñ bơ̆t bơtàu sùm mờ lơh pràn bơta git gơ̆p lơh bơyô bal ờs mờng đah lơgar Việt Nam mờ lơgar Triều Tiên bơtàu tơnguh mùl màl, geh cồng nha.

Thủ tướng sồr bàr gah pơgồp bal nền nòn lơh geh cồng nha ală jơnau git wă bal mờ ring bal neh lơh geh tàm ală dơ̆ tus còp bơh kwang đơng lam kấp dờng bàr lơgar dê; geh sùm cồng nha ală kơrnoăt lơh broă bal tŭ do geh, tàm hơ̆ geh Anih duh broă bàr Cíñ phủ bè lơh broă bal lơh sa, bơta jăk chài. Bơdìh hơ̆ tai, bàr lơgar pal lơh pràn lơh broă bal tàm ală gah broă geh bơta pràn bè lơh sa suơn sre, niam chài, tàp pràn să jan, lòt nhơl, bơto bơtê mờ lơh sơnơm, bơh tŭ hơ̆ pơgồp bal tàm broă tơnguh bơta git gơ̆p lơh bơyô bal mờ rề ơnàng lơh broă bal đah bàr lơgar dê tàm tơngai tus.