Tàm dơ̆ cri bơyai tàm điện thoại, Tổng Ƀí thư, Củ tịc lơgar đơs nền, Việt Nam sùm sền dờng màng bơta git gơp lơh bơyô bal mờ lơh broă bal uă gah mờ Thụy Sĩ, kơp kờñ 2 gah pơn jat tai pơgồp bal jơh nùs, lam lơh geh cồng nha mờ lơh niam rlau tai tơngume Lơh broă bal tơl làm geh tơng gơs tàm nhai 1 nam 2025. 

Bàr nă kwang đơng lam bồ đơs là, tàm tŭ tơngai ală bơta tàm dunia pơn jat tai gơlik geh mhar ngan, kal ke mờ ờ gơtùi git lài, 2 lơgar kờñ pal sơlơ tìp mat tơm boh bơr, gàr kơ̆ bơta pin dờn cíñ trị mờ lơh niam rlau tai bơta git gơp lơh broă bal uă gah. Bè lơh broă bal tàm tơngume lơh broă uă lơgar, bàr nă kwang đơng lam bồ ring bal sơlơ tàm pơgồp bal tàm ală anih cribơyai ală lơgar mờ tàm Liên hợp quôk nàng kờñ pơgồp bơnah bơsong ală broă ală lơgar mờ 2 gah sền gròi bal bơh bơta ki ngàm adat boh lam ală lơgar, tài ring lơngai, kơ̆ kơljap mờ bơtàu tơnguh, pas sơm tàm tiah do kung bè tàm dunia.