Jat tàm ală jơnau yal mờ jơnau đơs tă pơgồp tàm dơ̆ lơh broă, đơs pơndŭt pơrjum, Tổng Ƀí thư, Củ tịc lơgar ồng Tô Lâm đơs loh nùs nhơm, broă lơh kơlôi sơnơng jak chài bơh sơn rờp pal geh tam gơl pràn kơl dang bè bơta gĭt wă, kơrnoat boh lam, broă lơh bơcri priă, lam lơh jat mờ gùng dà lơh broă nàng lơh geh jơnau sồr bơtàu tơnguh Dà lơgar dê tàm tơngai pa.

Đơs bè ală broă kờñ lơh mơ, Tổng Ƀí thư, Củ tịc lơgar ồng Tô Lâm jàu Anih duh broă Đơng lam Đảng Cíñ phủ dê đơng lam, sồr lơh, sồr tơrgùm lơh jat 9 kơnòl broă, is ồn mhar lơh Broă lơh kwơ màng dà lơgar bè bơtàu tơnguh kơlôi sơnơng jak chài bơh sơn rờp tus nam 2045. Broă lơh kwơ màng pal sền gĭt loh làng tiah, ală broă, gah ai lơh lài, bơta pràn, sồr lơh đơng lam, broă lơh priă jền, broă lơh sền sơwì mờ broă lơh lơh jat; ờ gŏ di khat dồ lơh, rơwah di bơta tờm, bơcri priă tơl jŏ tơngai, pơgồp bal mờ jơnau kờñ bơtàu tơnguh mhar, kơnhăp kơ̆ mờ lơh tờm broă lơh kwơ màng.