Đại học Dà lơgar Hà Nội pa bơyai lơh Dơ̆ tơnkah 120 nam ngai bơhiàn mờ dờp Gai lòng Lơh broă khà dùl. Đơs tàm dơ̆ bơyai lơh, Tổng Ƀí thư, Củ tịc lơgar ồng Tô Lâm đơs sùm, mut tàm rài pa, jơnau sồr bơtàu tơnguh mhar mờ kơnhăp jŏ dà lơgar dê sồr Đại họk Dà lơgar Hà Nội pal lơh ngan mờ tam gơl pràn rlau, dipal mờ gơnoar broă đại họk Dà lơgar khà dùl. 

Tổng Ƀí thư, Củ tịc lơgar kơp kơnờm, hìu bơsram lam lài lơh jat ală jơnau lơh nền tàm pơrjum kuơmàng bơh Đảng dê, tus bal bơsong ală bơta kal ke dờng dà lơgar dê, lơh tờm ală măi mok sồ bè bồ tơngoh jak kòn bơnus lơh gơs, ƀán zẫn, măi mok siñ họk, phan bơna pa, năng lượng pa mờ yal tơngit jơnau pa. Mờ kung sồr ală broă lơh pal geh lam lơh kràñ cê, geh cồng nha loh làng, pơgồp bơnah tơn tàm bơtàu tơnguh dà lơgar.