Đơs pơndŭt dơ̆ lơh broă, Tổng Ƀí thư, Củ tịc lơgar đơs sùm broă lơh sơnơm yau bơh lơgar he dê ờ mìng wèt tus sơm bời kòp lơm mờ gam sền dờng màng bơta pràn să, lơh niam gùng mhàm, ring bal ală bơta tàm să jan mờ tơnguh uă bơta pràn lơh pràn wơl is bơh să jan dê. Do là jơnau đơs rềp mềr mờ gùng dà broă lơh lơh sơnơm tơngai pa tŭ do dê, ai cau lơh bơta tờm tàm sền gàr pràn kơl dang să jan.

Tổng Ƀí thư, Củ tịc lơgar sồr gah lơh sơnơm pal geh bồ tơngoh kơlôi sơnơng pa, bơta sền sơnơng pa mờ broă tus bal pa tàm bơtàu tơnguh lơh sơnơm yau dê; tàm pơr dờn bơta niam ngan lơh sơnơm jơi bơtiàn dê tàm tơngume jak chài- măi mok tơngai pa tŭ do dê. Mơkung pal ơn bơtàu tơnguh lơh sơnơm yau tàm tơrgùm bal mờ kwơ màng bơtàu tơnguh dà lơgar, pơgồp bal mờ broă lơh kwơ màng bơtàu tơnguh cau Việt Nam, sền gàr pràn kơl dang să jan làng bol in, măi mok siñ họk, măi mok lơh sơnơm mờ lơh sa pràn kơl dang să jan dà lơgar.