Tổng Ƀí thư, Củ tịc lơgar ồng Tô Lâm đơs, Việt Nam ờ gŏ di là ờ tơl bơta pràn, ờ gŏ di là ờ tơl priă jền, bơta kuơmàng là gùng dà atbồ, ngui, hòi jà tă pơgồp, tam pà, mờ lơh niam ờ hềt thàn jat jơnau sồr bơtàu tơnguh pa. Tơngai tus, kờñ lơh geh jơnau kờñ gơguh 2 nơm khà, bơta kuơmàng là pal tam gơl pa bồ tơngoh kơlôi sơnơng bè priă jền. Tổng Ƀí thư, Củ tịc lơgar ồng Tô Lâm sồr tơrgùm tàm 6 mpồl kơnòl broă, broă lơh, hơ̆ là: “Bơt bơtàu bơnah kơrnuat boh lam ai priă jền. Bơta tờm là ù tiah, bơcri priă, rơndap ù tiah, bơt bơtàu, phan bơna dà lơgar, drà priă bơcri, lơh broă bal bơcri priă, yal tơnggit jơnau, ngui phan bơh bồ tơngoh jak lơh gơs, jak chài - măi mok, broă lơh lơh sa pa mờ gùng dà tơrlòng lài geh bơta gròi sền.

Tàm bơt bơtàu kơrnuat boh lam, pal kràñ cê sang tĕ bồ tơngoh kơlôi sơnơng “ờ gơtùi atbồ den ờ ai”, dùl broă, dùl tơngume mìng cih tàm dùl adat boh lam; tam gơl wơl uă ngan rlau jơh sră pơ àr gơnoar atbồ; tam gơl pràn bơh sền swì lài gơ gơs sền swì tơnơ̆ geh bơta gròi sền; gàr adat boh lam loh làng, ring bal, ờ tam gơl, geh broă rơndap lơh”.