Jơnau đơs pơn dŭt dơ̆ lơh broă, Tổng Ƀí thư, Củ tìk lơgar đơs nền pal ring bal jơnau git wă tàm jơh gùt mpồl cíñ trị là măi mok lượng tử là broă kwơ màng dà lơgar, pal geh ai tàm tơrgùm jơh lơh jăt Jơnau lơh nền tàm pơrjum sồ 57 bơh Ƀộ Cíñ trị dê mờ broă lơh jŏ jòng bơtàu tơnguh dà lơgar tàm tơngai pa, pơgồp bal mờ gàr niam lơngăp lơngai dà lơgar, jơnau yal tơngit dà lơgar, lơh sa mờ măi mok ƀán zẫn mờ ngăc ngar kòn bơnus lơh gơs.

Tổng Ƀí thư, Củ tìk lơgar sồr sền wơl jơh ală mpồl jơnau yal tơngit kwơ màng Đảng, Dà lơgar, sền gàr dà lơgar, lơngăp lơngai, anih priă jền, năng lượng, viễn thông… nàng lơh geh tơngai tam gơl di pal, rơcang bơh gờñ, bơh ngài; mờ tơrgùm bơcri priă tơrgùm bal, pleh mờ rah rài, wèt tus lơh gơs ală anih tờm kơlôi sơnơng pràn mờ cơl dŭ tơrlòng lơh tờm.