VOV4.K'Ho - Mờ jơnau kờñ “Tam gơl sồ sơn đờm bơh làng bol, ai làng bol lơh tờm”, kơnhoàl Krông Păk, càr Dăk Lăk neh dùl ròt lam lơh uă broă lơh ai tam gơl sồ mut ngan ngồn tàm rài kis, rơhời lơh gơlik mpồl bơtiàn sồ bơh tơl thôn, ƀòn. Broă lơh do neh cèng wơl cồng nha, dong làng bol git bè tam gơl sồ, rơhời ngui tàm rài kis pah ngai.

VOV4.K’Ho- Nam 2022 geh dùl bơta tam gơl chờ hờp tàm broă lơh sa ală ƀòn kòn cau càr Kon Tum dê, hơ̆ là broă ngui khoa họk, kông nghệ tàm lơh sa. Bơh broă tus bal lơh broă tàm ală Hợp ták xã, mpồl lơh sa kă bro mờ broă tam jào khoa họk kỹ thuật bơh gơnoar atbồ, gah lơh broă geh gơnoar. Ală ơruh pơnu kòn cau tàm càr neh git ngui mờ lơh geh cồng nha.

VOV4.K’Ho- Kơnờm mờ uă bơta phan tam, tàm hơ̆ uă ngan là tam tờm chi lơh sơnơm, biăp, bơkào jăt broă lơh sa suơn sre kông nghệ kao, làng bol kòn cau K’Ho kis tàm xã Dà Sar, kơnhoàl Lạc Dương, càr Lâm Đồng neh brồ guh klàs mờ rơƀah, bơ̆t bơtàu rài kis pa hờm ram.

VOV4.K'Ho - Đơs tus Dà Làc – Lâm Đồng là đơs tus ƀòn dờng nhơl chờ ơm rlô să khà dùl Việt Nam dê. Bơta hàng niam bơh ù tiah geh is pơgồp bal mờ bơta krơi is bơh trồ tiah mrềt lơngờm gùt nam là bơta pràn mờ bơta ƀuơn dờng ngan nàng gah nhơl chờ tiah do bơtàu tơnguh.

VOV4.K’Ho- Nam 2023, geh nhơl chờ Việt Nam ai jơnau kờñ wă geh 110 tơlăk nă cau năc nhơl chờ, mờ kờp jơh khà priă geh bơh cau năc nhơl chờ di pơgăp 650 rơbô tơmàn đong. Mờ ù tiah niam bơnĕ, bơta chài rơgơi geh uă bơta niam, bơh tàm ală ngai bồ nam pa, ală tiah nhơl chờ tàm Tây Nguyên neh mờ gam hòi jà cau năc tàm lơgar bal mờ lơgar bơdìh.

VOV4.K'Ho - Hìu bơnhă ồng K’Brối mờ mò Ka Mai tàm thôn Dà Dâng, xã Liên Hà, kơnhoàl Lâm Hà, càr Lâm Đồng là dùl hìu bơnhă pơn rơ gơguh jak tàm uă gah. Ờ mìng ngac ngar, bơceh pa tàm lơh broă lơh sa, hìu bơnhă ồng mò gam ròng oh kòn tus gùng tus dà, jơh nùs dong kờl uă hìu bơnhă kal ke brồ guh, bơt bơtàu ƀòn lơgar pas sơm, niam bơnĕ.

VOV4.K'Ho- Nam 2023 neh rê tus, sơnam pa Qúy Mão neh rê mờ làm gùt jơh ală ù tiah ƀòn lơgar. Nam pa tus cèng tus gĭt nđờ bơta chờ hờp duh hồl ngan, àng gơcrà tàm muh mat, bơta ñŏ; tàm bơrlŭ bal tàm bơta chờ hờp ram mhŭ bơh làng bol làm gùt ù tiah ƀòn lơgar Tây Nguyên dê wă rò sơnam pa sa tềp bal mờ hìu bơnhă, ƀòn lơgar kờñ gơboh.

VOV4.K'Ho- Jơh ală jơnau nting bơr gờm chờ sa tềp bơh Tổng Ƀí thư ồng Nguyễn Phú Trọng dê pơyua làng bol, oh mi mờ cau ling tàm jơh gùt lơgar in.

VOV4.K'Ho - Nùs nhơm rơcang wă rò nam pa mờ ală broă lơh bơh ală mpồl lơh broă, gơnoar atbồ tàm ƀòn lơgar gròi sền sa tềp ai làng bol tàm tiah Tây Nguyên in nàng geh dùl să tềp ram mhŭ, ring lơngai mờ bơta lơh ngan ờ lời hìu bơnhă lơi pal gơtìp jơgloh tàm sa tềp bơhiàn yau Quý Mão 2023.

VOV4.K’Ho- Bal mờ bơta bơcri priă bơh Dà lơgar, làng bol ală jơi bơtiàn kòn cau tàm xã Dăk Nia, ƀòn dờng Gia Nghĩa, càr Dăk Nông, neh tam klăc bal brồ guh bơtàu tơnguh lơh sa hìu bơnhă, bơt bơtàu ƀòn lơgar ngai sơlơ pas niam.