VOV4.K'Ho - Mho mang ngai 11/12, tàm ƀòn dờng Hồ Chí Minh, Củ tịc lơgar ồng Nguyễn Xuân Phúc neh tus bal dơ̆ bơyai lơh tơngkah 25 nam ngai lơh Kổ phần Tập đoàn Trường Hải (hòi lơyah là THACO) mờ jàu Huân cương lơh broă Khà dùl ai Tập đoàn in.

VOV4.K'Ho- Tàm Cần Thơ, pa bơyai lơh Pơrjum lơh broă bal Bơcri priă - kă bro Việt Nam - Campuchia.

VOV4.K’Ho- Di dơ̆ lòt còp ngan ngồn lơgar Hà Lan, mho mang ngai 11/12, Thủ tướng Cíñ phủ ồng Phạm Minh Chính tìp mat Tiến sĩ ồng Marsin Czepelak, Tổng Thư kĭ Anih cah rơña trọng tài thường trựk tàm Hà Lan.

VOV4.K’Ho- Củ tịc lơgar Việt Nam đơs nền, Việt Nam sùm sền Hàn Quôk là lơgar tam klăc lơh broă bal tờm kwơmàng mờ jŏ jòng; kơ̆p kờñ bal mờ Hàn Quôk lơh jrô ơnàng rlau tai bơta gĭt gơ̆p Tam klăc lơh broă bal jŏ jòng tơl ală bơta mờ broă tờm mờ bơta gơn kơnờm kwơmàng là lơh broă bal bè lơh sa, kă bro mờ bơcri priă.

VOV4.K’Ho- Poh lài, Sở Văn hoá, Thể thao mờ Zu lịc càr Dăk Lăk (Việt Nam) neh geh dơ̆ lòt lơh broă, tìp măt lơh kwèng bal bơta niam chài tàm càr Sekong, lơgar Lào dê.

VOV4.K’Ho- Mho ngai 09/12, tàm ƀòn dờng Buôn Ma Thuột, càr Dăk Lăk bơyai lơh pơrjum jờng rơ cau geh bơngă pin dờn pơn rơ jak tàm tiah làng bol kòn cau dùl ết nă cau nam 2022.

VOV4.K’Ho- Tàm Hìu lơh broă Củ tịc, Cơl dŭ lơh broă Củ tịc lơgar pơgồp bal mờ Ƀan Nội cíñ dà lơgatt bơyai lơh dơ̆ tìp mat ală kwang bàng jak chài, cau khoa học mờ ală kwang bàng tàm mpồl tus bal bơt bơtàu rơndap broă lơh “Pơn jat tai bơt bơtàu mờ lơh sir Dà lơgar gơnoar adat boh lam Xã hội củ nghĩa Việt Nam tàm tơngai pa”.

VOV4.K’Ho- Nam 2022, bulah mpồl lơh broă geh gơnoar càr Kon Tum neh jơh nùs kơryan, mơya jơnau mus brê, koh kơl dơm chi brê tìs mờ adat boh lam kung gam gơlik geh sơl. Do là broă geh uă cau tĕ khà sền gròi mờ kwang bàng lùp uă ngan tàm dơ̆ pơrjum dơ̆ 4, Hội đồng Ñân zân càr Kon Tum khoă XII.

VOV4.K’Ho- Mho ngai 09/12, tàm hìu duh broă Đảng Làng bol kăc màng Dà lơgar Lào dê, Tổng Ƀí thư, Củ tịc lơgar Lào ồng Thongloun Sisoulith neh wă rò Mpồl ala măt Kwang bàng Đảng he bơh Ƀí thư Đảng Dà lơgar, Kwang ătbồ Mpồl Mblàng yal gùng dà broă lơh Đảng Dà lơgar ồng Nguyễn Trọng Nghĩa lam bồ lòt Cribơyai lý luận dơ̆ 9 đah bàr Đảng.

VOV4.K’Ho- Drim ngai 09/12, Thủ tướng Cíñ phủ ồng Phạm Minh Chính bal mờ Mpồl kwang bàng kâp dờng ala măt Cíñ phủ Việt Nam neh tus càr lơgar Luxembourg, sơnđờm dơ̆ lòt còp ngan ngồn lơgar Đại kông quôk Luxembourg.