VOV4.K'Ho - Pơrlòng niam chài cing mồng Dăk Lăk dơ̆ 3 nam 2024 geh lơh bơh ngai 31/8 tus ngai 01/9, di tàm dơ̆ ơm rlô Ngai sơn tờp dà lơgar (02/9). Gơ rờm bal mờ nùs nhơm sa tềp lơngap lơngai is jơi bơtiàn dê, pơrlòng sơlơ gơ gơs duh hồl rlau mờ uă jơnau cing mờ ală broă lơh yàng ờs mờng bơh yau bơh ală jơi bơtiàn dồ êt nă cau tàm tiah Tây Nguyên dê.

VOV4.K’Ho- Tàm mpồl bơtiàn 54 jơi bơtiàn Việt Nam, làng bol kòn cau Mạ là jơi bơtiàn dồ ết nă cau mờ khà kờp làng bol pơgăp 40 rơbô nă cau, ơm kis tàm 34 càr, ƀòn dờng tàm jơh gùt lơgar, mơya uă ngan ơm kis tàm càr Lâm Đồng mờ Đồng Nai. Bơh gĭt nđờ rài do, cau Mạ kis uă ngan là lơh sre mìr, den tàng làng bol kòn cau Mạ kung gam prap geh uă bơhiàn bơh yau pin dờn jat Yàng niam chài cèng uă tềl lời wơl bơh jơi bơtiàn he dê.

VOV4.K’Ho- Ngai 29/08, tàm ƀlàng rơndeh ồs Dà Làc, ƀòn dờng Dà Làc, càr Lâm Đồng neh tơlik mat sră wăc sềr rùp tiah lòt nhơl niam Dà Làc.

VOV4.K’Ho- Gùng đơs crih tam ya bơh yau bơh kòn cau K’Ho dê li la uă ngan mờ sùm geh bơyai lơh tàm ală dơ̆ lơh yàng lơh chờ. Tàm ală đờng gòng bơh yau bơh kòn cau K’Ho dê ờ gơtùi ờ geh bòr cing 6 pang, Kơmbuăt, goòng Kơrla, Sơnggơr... Ală đờng gòng do gơtùi ngui nàng lơh pơnđềm bal mờ jơnau đơs crih halà mìng ngui dùl nơm gơ lơm.

VOV4.K'Ho - Cau chài mò Mlop – atbồ Mpồl lơh broă bal Broă lơh sa mờ Tàñ ồi kòn cau Glar, kơnhoàl Đăk Đoa, càr Gia Lai là cau kờñ tàñ ồi kòn cau bơh tŭ gam dềt. Mờ mpàng tê chài rơgơi, mò gơtùi tàñ uă bơta ồi kòn cau bè ồi tơ̆, ồi mbơn, àu cau klau, àu cau ùr, kơldung triau… geh rùp bơka niam ngan, sền gơ lơh niam mat ngan, geh uă cau blơi tàm càr mờ bơdìh càr kờñ ngan. Kờñ gơboh, jơh nùs mờ ồi kòn cau, den tàng mò Mlop neh bơto wơl broă tàñ phan ai git nđờ rhiang nă ùr ơruh kòn cau Bahnar in.

VOV4.K’Ho- Ngai 22/08, Tỉñ ủy càr Lâm Đồng bơyai lơh Pơrjum tơn jơh 10 nam lơh jăt Jơnau lơh nền tàm pơrjum sồ 33 bơh Mpồl Duh broă Đảng Dà lơgar dê bè bơ̆t bơtàu mờ bơtàu tơngguh niam chài, kòn bơnus Việt Nam lơh geh jơnau sồr bơtàu tơngguh kơ̆ kơl jăp jŏ jòng dà lơgar dê.

VOV4.K’Ho- Tàm 02 ngai bơh ngai 19 tus 20 nhai 08, Anih duh broă ƀòn dờng Buôn Ma Thuột, càr Dăk Lăk bơyai lơh pơrlòng đơs crih tamya làng bol dơ̆ 04 nam 2024 mờ tơngu me Gùng đơs crih Dà lơgar.

VOV4.K'Ho - Tàm tơngai rlô bơkang, bal mờ nhơl ñŏ, kơnòm dềt ală jơi bơtiàn dồ êt nă cau tàm càr Dăk Lăk gam geh tus bal uă broă lơh bè bơsram dròng cing, tam ya xoang, bơceh cih sră, bơceh jơnau nrĭ halà tàp ngan ngồn tơm boh bơr mờ dà lơgar ndai. Ală broă lơh do dong ală oh geh tơngai rlô bơkang ngan ngồn niam, geh kuơ mờ lơngăp lơngai lài mờ tŭ mut nam bơsram pa.

VOV4.K’Ho- Broă lơh Tìp măt lơh kwèng đơs crih tamya “Kis sùm mờ ù tiah dà lơgar” geh bơyai lơh nàng kờñ pơn jăt tai tàm pơdờn nùs nhơm “Hùc dà kah tô dà”, “Kis gĭt jơnau gĭt adăt” bơh jơi bơtiàn Việt Nam dê.

VOV4.K’Ho- Kung bè ală jơi bơtiàn ndai tàm tiah Tây Nguyên, bơdìh mờ cing mồng halà sơngơr kơltau rơpu, đờng goòng bơh kòn cau Rơđê dê sùm geh mòn bơh gle geh lờs bơh tàm brê bơnơm. Mờ jơnau ntas mờ broă pĕ krơi is tơl bơta đờng goòng geh jơnau ntas niam krơi is ngan. Tàm hơ̆ geh đờng Brô̆ là dùl nơm đờng goòng bơh cau klau dê mòn mờ pĕ nàng kờñ yal ală jơnau tàm nùs nhơm, jơnau tàm nùs tàm rài kis dê. Cau chai Y Dŭ Êban (sùm hòi jà bàp Đam) 57 sơnam, ơm tàm ƀòn Sut Mđưng, xã Cư Suê, kơnhiàl Cư Mgar, càr Dăk Lăk yal bè đờng Brô̆ bơh kòn cau Rơđê dê.