Tìp măt cribơyai bơh Anih tờm kơlôi sơnơng broă brê bơnơm tiah duh sùh iò (Tropenbos) dê bơyai lơh mờ bơta tus bal bơh ală cau jak chài, ala măt ală sờh, gah mờ mpồl bơtiàn lơh lòt nhơl ƀòn brê bơnơm tàm ƀòn lơgar. 4 mpồl mpồl bơtiàn tus bal pơrjum cribơyai kung să tờm sền jơnau kơlôi lơh rơndăp broă lơh gơ jăt bal mờ lơh geh wơl brê mờ bơtàu tơngguh lòt nhơl mờ dờp geh ală tă pơgồp jơnau đơs dipal ngan. Ală cau ala măt, cau kơlôi sơnơng đơs nền tàm pơrjum cribơyai: Lòt nhơl ƀòn brê bơnơm mpồl bơtiàn ờ mìng dong prăp gàr phan kwơ brê bơnơm geh is lơm mờ gam pơgồp bơnah lơh tơngguh uă broă lơh broă sa, bơtàu tơngguh rài kis làng bol in, ngan là làng bol jơi bơtiàn dồ êt nă cau.

Bè đah ƀòn lơgar, ồng Nguyễn Sơn Hưng, Lam bồ Cơldŭ ătbồ lòt nhơl gơ wèt Sờh Niam chài, tàp pràn să jan mờ Lòt nhơl càr Dăk Lăk dê, tơlik bơta ring bal mờ ală jơnau mblàng sền bè gơn kơnờm – ƀươn ƀoài – kal ke bơh lơh geh wơl brê pơn jăt bal mờ lòt nhơl ƀòn brê bơnơm, mơkung pà gĭt, Dăk Lăk rơ̆p geh ală jơnau neh lơh nền pa ai broă lơh do in lơh geh cồng nha uă rlau.