Ràng tơlik geh bơyai lơh bơh tŭ do tus ngai 3 nhai 12. Ràng tơlik yal tơngĭt tus mờ làng bol càr Lâm Đồng mờ năc lòt nhơl 120 nơm rùp wăc sềr pơn jờng geh sac rơwah bơh Dơ̆ tàm pơrlòng rùp wăc sềr pơn jờng mblàng yal pơrjum dờng cau ala mat gùt lơgar dơ̆ 14 bơh Đảng dê bơh Kụk Niam chài ƀòn lơgar, hìu bơnhă mờ Hìu sền sră dê bơyai lơh. Ală rùp wăc sềr ràng tơlik tàm tiah ràng tơlik bơh rùp hin mờ jơnau cih pơyoa jơnau yal mblàng yal jrô ơnàng làm uă, yờ tơnguh uă bơta gĭt wă, bồ tơngoh cíñ trị lơh geh bơta ring bal lơh broă tàm Đảng, dồ nùs bal tàm mpồl bơtiàn nàng bơyai lơh geh cồng nha Pơrjum dờng dơ̆ 14 bơh Đảng dê mờ ai Jơnau lơh nền tàm pơrjum bơh dơ̆ pơrjum dờng dê mut lơh ngan ngồn tàm rài kis.

Mò Hoàng Thị Lầm, ơm tàm sơnah ƀòn Xuân Hương- Dà Làc, pà gĭt, sền gŏ bơta tam gơl bơh Dà Làc dê, sền ală rùp pơn jờng tàm dơ̆ ràng tơlik, mò pơn yờ să bè ală cồng nha lơh geh mờ Đảng, Dà lơgar mờ Làng bol dê neh lơh geh tàm broă lơh bơt bơtàu mờ bơtàu tơnguh Dà lơgar.