VOV4.M'nông: Taliban hŏ ntop n'hao 44 nuĭh hao gŭ tâm ăp ntŭk kan khlay, lĕ ma thống đốc ăp n'gor n'hanh kruanh cảnh sát. Aơ lah du njuat hăn khlay tâm nău n'hao dăng mât uănh, tâm rnôk neh dak dôl tâm rdâng đah ăp nkô̆ nău rnă njrăng n'hanh wăng sa nar lơn ma hô. Tĭng săk nchih dơi mbơh, Taliban hŏ kơi ntop n'hao nău dơn kan mhe an ăp nuĭh lăp kan nsum, tâm nê wa Qari Baryal ƀư thống đốc thủ đô Kabul n'hanh wa Wali Jan Hamza ƀư kruanh cảnh sát. Aơ lah rơh ntăm nău kan têh âk lor bôk năp dơi mbơh kơp ntơm bah rnôk Taliban njêng chính phủ rnôk khay 9 mhe aơ. Ăp dak bah dih hŏ kuăl jă ăp ding râng chính trị tâm nchră njêng du chính phủ tâm di, lĕ ma rnoi mpôl đê̆ n'hanh bu ur, bol ma kơt nê̆ tât aƀaơ mô hŏ dơi ƀư ơm./.

Nuĭh rblang: Điểu Thân