VOV4.M'nông: Mpôl tahen dâk lơh Taliban mhe ƀư rơh hop báo lor bôk năp kơp ntơm bah rnôk pit in dơi n'gâng kan Afghanistan. Lôch rơh hop báo bah Taliban, âk dak lam ntŭr neh, âk mpôl kan dak bah dih hŏ rlăch dun bôk năp. Nuĭh ntơh ngơi Liên hợp quốc Stephane Dujarric mbơh, Liên hợp quốc mbra ân dơi uănh saơ na nê̆ nău kan bah mpôl tahen dja ta Afghanistan. Liên minh châu Âu ndơ̆ luh nău nkol mbra tâm boh đah Taliban lah mpôl tahen dja uănh khlay ăp nău dơi tơm dơm, nê lah nău dơi bah bu ur, n'hanh nking nchăng ăp mpôl lơh ndjơh dŏng neh dak bah Afghanistan. Nuĭh ntơh ngơi Bộ Ngoại giao Mỹ Ned Price an gĭt, dak dja dơn kơp du n'gâng kan bah Taliban ta Afghanistan lah Taliban uănh khlay nău dơi bu ur n'hanh mô râng ăp mpôl kan tĭng nău nŏng êng nơm kơt mpôl Al-Qaeda.

Nuĭh rblang: Điểu Thân