VOV4.M'nông: Ăp kruanh rđău kan Châu Á râng tâm nchră gưl têh Tâm boh wăng sa ta Tuốc-mê-ni-xtan mhe kuăl jă ntlơi ăp mpêr n'gar nking kol tăch rgâl n'hanh hun hao ăp trong soih aih nchuăn rdeng mhe tâm nkual. Ăp dak dja nkre mpơl nău klach rvê mpeh nô nău Afghanistan (aƀaơ tă bah Taliban mât bôk kan) n'hanh ton mbra kơl đăp mpăn nău rêh dak kâng n'har. Tổng thống Pakistan Arif Alvi hŏ nchŏng luh geh ma nău tât khuch đah jâng wăng sa n'hanh prăk kaih bah Afghanistan. Păng nkre ntrŭt đă lam Hồi giáo rgum ăp nău nsrôih gay nking nchăng du nău tât geh ma nău ntrôl nkual tŭp tâm rơh duh jêr n'hanh tâm lơh tâm su. Tĭng kruanh rđău kan Pakistan, dơn geh nău đăp mpăn bah Afghanistan mơ tĭng ƀư ăp trong nchrăp kan geh mbrơi mbrơi ơm bah jŏ, lĕ ma trong n'hoch dak ŭnh, trong loih n'hanh trong rse điện nthoi tât ăp dak tâm nkual./.

Nuĭh rblang: Điểu Thân