VOV4.M’nông – Dăch aơ, âk doanh nghiệp dak bah dih dôl ntrôl ngăch nău trơn ndoh ndơ nkra njêng bah Trung Quốc an ăp dak tâm Hiệp hội ăp dak Đông Nam Á (ASEAN) kơt Việt Nam, Indonesia. Yor nê, ăp nuĭh wăng sa an lah Chính phủ Hàn Quốc an ntop kơl gay doanh nghiệp tâm dak pơk hvi dơi tăch rgâl ta ASEAN, kơt nthoi tay rơh mpăr rdêng ndơ tât ăp dak kan ndrel têh tâm nkual Đông Nam Á. Liên đoàn ăp nuĭh kruanh tơm Hàn Quốc (FKI) mhe mbơh jêh rblang an gĭt bah năm 2016-2020, ntuh kơl an ASEAN geh 731 rmen đôlar, hao 30,4% nkôp đah lvang 2011-2015. Tĭng nĕ, ASEAN aƀaơ dôl lah nkual ntuh kơl khlay ngăn bah doanh nghiệp Hàn Quốc. Hàn Quốc ntĭm an lah ăp nău ƀư khlay aƀaơ lah ơm uănh an Tâm ton tăch rgâl dah rŏng (FTA) Hàn-Campuchia, Tâm ton kan ndrel wăng sa lĕ rngôch (CEPA) Hàn Quốc-Indonesia, nthoi tay rơh mpăr rdêng ndơ tât ăp dak.

Nŭih rblang: Y Sưng Phê Ja