VOV4.M’nông - Australia aƀaơ lah ngoăy tâm âk dak pă âk vaccine njrăng Covid-19 an nkual Ấn Độ Dương-Thái Bình Dương. Rlău ma vaccine bah hãng dak si AstraZeneca, aƀaơ Australia mbra pă tay vaccine Pfizer n’hanh Moderna an nkual aơ. Tâm du nău mbơh mhe nkoch, Trung tướng John Frewen, nuĭh tâm pă rmôt kan đặc nhiệm Covid-19 bah Australia an gĭt, tât aƀaơ Australia lĕ pă 7,1 rkeh dĭng vaccine Covid-19 an nkual Ấn Độ Dương-Thái Bình Dương tâm nĕ Indonesia dơi dơn 3,5 rkeh dĭng, Việt Nam dơn geh 1,5 rkeh dĭng n’hanh 1 rkeh dĭng dơi njuăl tât Fiji. Tâm nar tât, Australia mbra n’hao rnoh vaccine pă an nkual đah dĭng lĕ vaccine jao an tâm n’gul năm 2022 lah 20 rkeh dĭng n’hanh 40 rkeh dĭng tâm bôk năm 2023.

Nŭih blang: Y Sưng Phê Ja