VOV4.M'nông: Australia n'hanh Hàn Quốc hŏ n'hao tâm boh hao têh jong lam lĕ rngôch. Nău kan dja ƀư rnôk Tổng thống Hàn Quốc Moon Jea-in dôl gŭ khâl Australia nkhêp geh rnôk 2 dak nkah ndray 60 năm nar njêng tâm boh. Lah ta rơh hop báo nsum đah Thủ tướng Australia Scott Morrison, Tổng thống Hàn Quốc Moon Jae-in an gĭt, tâm pă âk rnoh khlay nsum kơt nău tâm ban, nău dơi kon nuĭh, wăng sa ntŭk tăch rgâl,  Hàn Quốc n'hanh Australia mbra tâm boh lhăt tay lơn gay ndrel tâm rdâng đah ăp ntul rlong mhe. Tổng thống Hàn Quốc Moon Jae-in lah rjăp, 60 năm aơ hŏ rdâk njêng tâm boh tâm rnglăp n'hanh nsing nơm đah bar dak n'hanh aơ mbra lah ăp jâng nsing nâp dăng gay bar dak lăp tâm du rơh mhe đah ntŭk gŭ kan lah ăp kruanh rđău kan lam ntŭr neh gay ndrel rƀŏng tât du trong geh ndrŏng nsum./.

Nuĭh rblang: Điểu Thân