VOV4.M’nông – Jâng wăng sa Australia hao jêng uĕh n’hanh rnoh mô geh nău kan hŭch âk tâm năm mhe rlău, yơn tơm prăk dak aơ hôm e khuch âk. Tĭng jêh sŏk dŏng tơm prăk dơi Chính phủ Australia mbơh nar 30/9, tâm năm 2020-2021, đah nău khuch bah srê Covid-19, tơm prăk bah dak aơ geh khuch rlău 134 rmen đôlar. Bôl ndrĭ, rnoh khuch aơ hôm e jêt dŭt âk nkôp đah kơp dơi mbơh tâm khay 10 năm e rlău 213 rmen đôlar. Nău aơ tâm ban đah nău tơm prăk bah Australia tâm năm mhe rlău lĕ ntêm nkrem geh bơi 80 rmen đôlar. Tâm du nău ngơi ta ôi 30/9, Kruanh n’gâng kan tơm prăk Josh Frydenberg an gĭt nkô̆ nău jâng wăng sa Australia rdâk hao âk bah ntŭk pah kan. Kơp bah khay 5 năm e tât aƀaơ, geh rlău 1 rkeh nău kan mhe dơi geh n’hanh rnoh roh nău kan hŭch bah dâng 5%.

Nŭih rblang: Y Sưng Phê Ja